Apoderashon

Apoderá un persona

Si bo apoderá un persona, bo ta duna e persona ei pèrmit pa regla bo asuntunan ku gobièrnu na Hulanda Karibense na bo nòmber. Por ehèmpel un kompania òf konsehero di impuesto. Pero e por ta un miembro di famia òf amigu tambe. Kòrda ku semper abo mes ta keda responsabel pa kumplimentu ku bo obligashonnan, asta si un otro persona ta regla bo asuntunan.

Bo ta apoderá un persona pa un servisio spesífiko. E apoderado pues tin solamente akseso na bo datonan pa kua bo ta duna pèrmit. Pa kada servisio bo por apoderá maksimal un persona òf kompania. Un apoderashon ta pa tempu indefiní, pero bo por kambia òf revoká esaki fásilmente. Di e forma ei bo ta keda ku kontrol riba bo kuenta.

Bo kier apoderá un persona? Pidi e ora ei un kódigo di apoderashon. E kódigo akí bo ta duna na e persona òf partido ku bo kier duna akseso.

E video akibou ta splika bo kon bo ta apoderá un persona. Of lesa di asaki den e stappenplan.

Bira apoderado

Un persona tin mester di bo ayudo ora di regla asuntunan di gobièrnu online? E ora ei e persona akí por apoderá  bo pa un servisio spesífiko. Pa haña akseso na e kuenta di e persona akí, bo ta risibí di e petishonario un kódigo di apoderashon. Ku e kódigo akí bo por aseptá e apoderashon den bo propio kuenta.

E video akibou ta splika bo paso pa paso kiko bo mester hasi pa aseptá un apoderashon. Of lesa di asaki den e stappenplan.

Mas informashon

Bo ta buskando mas informashon tokante apoderashon i bira apoderado? Lesa aki e preguntanan mas frekuente hasí i e kontestanan.