Bo ta deseá di risibí pòst di gobièrnu digitalmente? Esei por ku BerichtenboxCN di MijnCN. BerichtenboxCN ta bo buzon personal ku bo ta risibí pòst di gobièrnu digitalmente aden. Na un manera kla i semper na bo disposishon.
Kiko BerichtenboxCN ta?
BerichtenboxCN ta bo buzon personal ku bo por risibí pòst di Belastingdienst aden i mas despues tambe di otro organisashonnan gubernamental. Ora tin mensahe nobo pa bo, bo ta risibí outomátikamente un e-mail. Mas i mas instansia gubernamental lo afiliá na BerichtenboxCN, di manera ku bo por risibí i warda mas i mas pòst digitalmente.
Bentahanan di BerichtenboxCN
Unda ku bo ta, ku BerichtenboxCN semper bo tin pòst di gobièrnu na man. I si bo ta deseá, bo ta risibí outomátikamente un e-mail ora tin pòst pa bo. Bo por drenta fásil ku bo MijnCN.
Aktivá bo BerichtenboxCN
Pa download BerichtenboxCN bo tin mester di un kuenta di MijnCN, number di CRIB i un smartphone òf tablet.
Paso 1
Promé ku instalá e app, pone Safari (IOS) òf Google Chrome (Android) komo bo ‘standaardbrowser’ (navegador di preferensia). Bai na Google skirbi ‘standaardbrowser’ (navegador di preferensia) i e marka i tipo di smartphone òf tablet. Por ehèmpel: ‘standaardbrowser Samsung S21’.
E ora ei por instalá e app for di App Store (IOS) òf Play Store (Android) riba bo smartphone òf tablet (buska BerichtenboxCN).
Paso 2
Habri BerichtenboxCN.
Paso 3
BerichtenboxCN ta puntra si bo tin un kuenta di MijnCN:
- Bo no tin un kuenta di MijnCN? Skohe e ora ei pa "Nee" i bai riba www.mijncn.nl pa krea i verifiká un kuenta promé.
- Bo tin un kuenta di MijnCN? Skohe e ora ei pa "Ja".
Paso 4
Den kaso di "Ja", BerichtenboxCN ta konektá bo ku MijnCN i bo por drenta (ku outentikashon di dos faktor).
Paso 5
Si bo a drenta korektamente, bo ta bolbe bai na BerichtenboxCN i ta pidi bo pa skohe un kódigo personal (5 sifra i pa hinka esaki dos bia).
Paso 6
Asina bo instalá e kódigo personal, BerichtenboxCN ta kla pa usa.
Paso 7
E próksimo bia bo por habri BerichtenboxCN ku bo kódigo personal.
Awor bo kuenta ta kreá
Bo por risibí bo pòst digitalmente mesora via BerichtenboxCN, wak bo datonan personal i sigui bo asuntunan koriente.
Si bo no ta deseá di risibí mensahe di un òf diferente organisashon gubernamental, bo por kambia esei fásilmente. Bo ta risibí bo mensahenan e ora ei gewon via pòst.
Pregunta i kontesta di BerichtenboxCN
BerichtenboxCN ta bo buzon personal ku bo por risibí pòst di Belastingdienst aden i mas despues tambe di otro organisashonnan gubernamental. Na un manera kla, sigur i semper na bo disposishon. Mas i mas instansia gubernamental lo afiliá na BerichtenboxCN, di manera ku bo por risibí i warda mas i mas pòst digitalmente.
Gobièrnu ta skohe pa BerichtenboxCN, pa motibu ku esaki ta mas sigur ku manda e-mail. Tambe no ta mira bo pòst komo propaganda.
E bentahanan ta:
- Fásil pa haña bèk
- Semper entregá na tempu
- Tur bo pòst di gobièrnu ta serka otro
- Bo por risibí un e-mail outomátikamente si tin pòst pa bo den BerichtenboxCN.
- Bo por manda, warda òf habri un anekso di un mensahe den un otro app.
- Bo ta ‘log in’ fásil ku bo MijnCN.
Belastingdienst CN ta e promé organisashon ku ta hasi uzo di BerichtenboxCN. Mas despues mas organisashon lo afiliá.
Chèk si tin ‘update’ den appstore. Por ‘download’ i instalá updatenan pa BerichtenboxCN via appstore. E updatenan akí ta destiná pa mehorá, amplia òf sigui desaroyá e app di BerichtenboxCN mas i por konsistí di solushon pa erornan di programa, funshonnan avansá, parti nobo di ‘software’ òf vershonnan kompletamente nobo. Sin e updatenan akí ta posibel ku e app di BerichtenboxCN no ta funshoná òf no ta funshoná debidamente.
- E usuario mes ta responsabel pa protekshon di su aparato mobil. Pèrkurá pa bo aparato semper tin e último updatenan.
- E ‘password’ di un kuenta di MijnCN ta estriktamente personal. No kompartí esaki ku otronan, e ora ei nan no por yega na bo informashon personal tampoko.
- Belastingdienst CN, RCN SSO CN i Belastingdienst a tuma medidanan di protekshon tékniko i organisatorio apropiá kontra pèrdida òf prosesamentu ilegal di dato personal di e usuario.