Algemene Bestedingsbelasting

Informashon general deklarashon online

• Pa hasi deklarashon, bo tin mester di un kuenta. Bo no tin un kuenta ainda? Lesa aki kon bo ta krea esaki.
• Kada bia ta warda bo datonan ora bo bai na e siguiente página. Ora ku bo stòp na kaminda, bo por skohe na man robes den e menú e opshon ‘opslaan’. Na kualkier momentu despues bo por habri bo deklarashon e ora ei i sigui kaminda bo a keda.
• Bo por haña splikashon tokante e partinan ku mester yena ora bo primi riba e signo di interogashon hel.

Deklarashon di Algemene Bestedingsbelasting paso pa paso

• Ora bo a log in ku bo kuenta, bo ta prima bou di ‘Gekoppelde Diensten’ riba ‘Naar Algemene bestedingsbelasting (ABB)’ den e blòki ‘Belastingdienst Caribisch Nederland’.
• Primi tras di e periodo korekto riba ‘starten’.
• Marka e dos hòkinan di verifikashon ku kua bo ta deklará ku bo a yena e deklarashon kompleto i korekto. Primi seguidamente riba ‘akkoord’.
• Marka riba kua isla bo tabatin volúmen di benta i primi seguidamente riba ‘akkoord’. Si bo tabatin benta riba diferente isla, ta sali dos formulario den e siguiente pasonan: un pa Boneiru i un pa Saba i/òf Sint Eustatius. Esaki ta pará kada bia parti ariba di e formulario. Paga tinu ku bo ta yena e informashon korekto riba e formulario korekto.
• Yena e partinan ku ta aplikabel pa bo.
• Si bo a yena ABB dedusibel, bo mester manda e aneksonan tambe. Añadí esakinan i primi riba ‘Akkoord’.
• Kontrolá bo deklarashon i primi riba ‘Ondertekenen en verzenden’.
• Ta sali un lista ku e suma ku mester paga òf ku ta risibí bèk, bo referensia di pago i datonan di banko di Belastingdienst Caribisch Nederland.
• Riba e pantaya inisial bo por baha òf wak bo deklarashon entregá. Bo por warda bo deklarashon na kaminda tambe i sigui traha despues.

Komplementashon òf korekshon online di deklarashon Algemene Bestedingsbelasting

• Primi den e pantaya inisial tras di e periodo konserní riba ‘corrigeren/aanvullen’.
• Marka e dos hòkinan di verifikashon ku kua bo ta indiká ku bo ta yena e deklarashon kompleto i verídiko. Primi seguidamente riba ‘akkoord’.
• Skohe despues pa ‘aanvulling’ òf ‘correctie’ i primi riba ‘akkoord’. Paga tinu: Den kaso di un komplementashon e deklarashon anterior ta keda eksistí. Den kaso di un korekshon e deklarashon anterior ta kaduká.
• Yena despues e partinan ku ta aplikabel pa bo i primi riba ‘akkoord’.
• E korekshon/komplementashon bo ta haña bèk riba e pantaya inisial.

Mas informashon

Bo tin pregunta tokante sistema? Wak e ora ei e preguntanan mas frekuente hasí i e kontestanan òf usa e funshon di búskeda parti ariba na man drechi. Bo tin pregunta pa loke ta trata kontenido di hasimentu di deklarashon? Bai riba www.belastingdienst-cn.com.