FAQ Apoderashon

Ku MijnCN Machtigen, por yuda bo òf abo por yuda un persona ku asuntunan di gobièrnu online. Dor di apoderá un persona òf keda apoderá bo mes, esaki por tuma lugá safe, sin duna otro bo propio datonan di kuenta. Bo por revoká un apoderashon simpel atrobe, ora esaki ta nesesario. Asina bo ta keda ku kòntròl ken tin akseso na bo kuenta.

Semper bo ta apoderá un persona solamente pa un servisio spesífiko, por ehèmpel loonheffing (LH), pèrdida di suèldu òf algemene bestedingsbelasting (ABB). Bo por apoderá solamente un persona òf kompania pa kada servisio. E persona òf kompania akí despues bo por apoderá si pa mas servisio. Un apoderashon ta pa tempu indefiní, pero semper ora ku bo kier bo por kambia òf revoká esaki.

Bo por apoderá kompania òf persona. Pensa por ehèmpel riba un miembro di famia òf un ofisina di atministrashon. E apoderado mester tin su propio kuenta si riba MijnCN.

Bo por apoderá kompania òf persona. Pensa por ehèmpel riba un miembro di famia òf un ofisina di atministrashon. E apoderado mester tin su propio kuenta si riba MijnCN.

No, no ta posibel pa apoderá diferente persona pa un servisio.

MijnCN ta manda un e-mail ora e apoderado a aseptá un apoderashon. Banda di esei abo mes por mira bo apoderashon ku bo a duná dor di log in riba MijnCN i bai na e menú 'Machtigingen'. Na 'Uitgegeven machtigingen' bo ta mira e status di bo apoderashonnan. Tur kos ku tin ‘Geldig' su tras pará ta aktivá i e apoderado por usa nan.

Tuma kontakto pa esaki ku nos hèlpdèsk.

No, sin un kuenta bálido lamentablemente no ta posibel pa apoderá un persona òf pa keda apoderá.

Partikularmente pa kompanianan ku ta atendé ku deklarashonnan di belasting pa diferente kliente, a bin ku e asina yama ‘ketenmachtigen’. Komo apoderado di kadena intermediario bo por traspasá apoderashonnan risibí den bo kuenta di kompania pa kolaboradónan di bo kompania. E kolaboradónan aki ta apoderá e ora ei pa atendé ku deklarashon di belasting pa bo klientenan. Bo kuenta di kompania asina ta bira un kuenta atministrativo pa tur bo apoderashonnan i di empleadonan apoderá.

E servisio akí ta solamente pa intermediarionan. Pa haña akseso na apoderadonan den kadena, bo ta tuma kontakto ku bo persona di kontakto di Belastingdienst/Caribisch Nederland.

Un apoderado di kadena intermediario tin den e menú ‘machtigingen’ un ficha ‘medewerkers accounts beheren’. Primi aki riba ‘nieuwe medewerker registreren’ i pasa dor di e pasonan. E kolaboradó solamente tin ku aktivá e kuenta ku e kódigo di aktivashon ku bo dun’é.

Ta posibel ku a purba reaktiva un solisitut di outorisashon ku a keda aktiva kaba. Wak e deskripshon general di outorisashon. Of tuma kontakto ku ‘helpdesk’.

Por ta e kaso ku bo a kuminsá apoderá un persona den un fase anterior, pero bo no a finalisá esaki. E ora ei e kònòpi ta deskonektá.

Wak den e parti di ‘Apoderashon otorgá’ kiko e státùs di apoderashon ta. Finalisá esaki òf kita esaki. E kònòpi ‘ Apoderá un persona’ ta aktivá atrobe. Awor bo por apoderá un persona atrobe.

Si esaki no logra, tuma kontakto ku ‘helpdesk’.