FAQ Asuntunan Sosial i Empleo

Den kaso di malesa òf un aksidente na trabou bo ta mèldu e ousensia riba e promé dia ku bo empleado no ta apto pa traha. (‘Spar’ petishon pa pèrdida di suèldu no por mas pues entrante komienso di 2021!) Bo mester entregá un petishon pa verlòf di embaraso entre kuater i dos siman promé ku e verlòf kuminsá.

Pa mèldu ousensia na trabou, bo mester entre otro e nòmber kompleto, e number di sédula i e number di CRIB di e empleado. E informashon akí ta nesesario pa determiná identidat di bo empleado. Tambe bo mester duna number di telefòn riba kua bo empleado ta alkansabel durante dia. Ta usa esaki di manera ku unit SZW di RCN por tuma kontakto ku bo empleado pa un konsulta médiko.

Bo mester mèldu esaki solamente si bo empleado kuminsá traha mas tempran òf mas lat di loke a palabrá ku e dòkter di seguro. E fecha ku a palabrá, bo por lesa den e desishon ku bo ta risibí via nos portal di web. Solamente si bo empleado kuminsá traha mas promé of mas lat, bo ta manda un e-mail na ld.szw@rijksdienstcn.com òf bo ta tuma kontakto telefóniko ku unit SZW di RCN.

Si. E promé bia ku abo komo dunadó di trabou log in den e portal di wèp bo mester registrá bo mes. Despues bo por mèldu ousensia. Bo ta krea un kuenta di kompania riba MijnCN. Wak akí kon esei ta bai. Bo mester usa bo number di CRIB di negoshi i bo adrès di meil ora di traha un kuenta. Despues ku bo a log in bo ta primi parti abou riba ‘Naar mijn SZW’.

Pa motibu ku SZW ta tantu risibí komo manda informashon personal, mester di èkstra protekshon. Uso di 2-Factor Authenticatie pa e servisionan online di SZW p’esei ta obligatorio. Lesa aki mas tokante 2-Factor Authenticatie.

E empleado ku pa motibu di malesa òf aksidente na trabou no ta traha, mester ta alkansabel durante oranan di ofisina. Unit SZW di RCN denter di dos dia di trabou despues di e notifikashon ta tuma kontakto ku bo empleado. Mas aleu e empleado mester ta dispuesto pa duna informashon tokante su situashon médiko. Den kaso di ousensia pa motibu di embaraso, unit SZW di RCN ta pidi un deklarashon di e partera.

Bo por hasi kambio den bo petishon. Si esaki no ta posibel (mas), bo por tuma kontakto ku unit SZW di RCN, di manera ku nos por koregí e eror.

Si bo a yena e promé página kompleto, bo kontestanan ta keda wardá outomátikamente. Si bo no a yena e promé página ainda, bo mester kuminsá di nobo. Kòrda ku bo notifikashon den kaso di malesa òf aksidente na trabou, bo mester mèldu riba e promé dia di ousensia.

Si, bo por apoderá un otro persona pa hasi e notifikashon pa bo. Lesa aki mas tokante apoderashon.

No. Entrante 2021 ta solamente posibel pa hasi un petishon pa pèrdida di suèldu online via MijnCN. Bo no por hasi uso mas di karchi hel i blanku. Kasonan koriente di ousensia (di hopi tempu) lo terminá via e sistema bieu di traha.

Ora e datonan médiko tokante bo empleado ta kompleto, ta prosesá esakinan mesora i bo ta risibí un reakshon. Si aprobá e petishon, bo ta risibí denter di dos siman, no mas tardá, despues di nos reakshon e promé pago.

Sí, semper bo ta risibí un reakshon ku den dje un otorgamentu òf un rechaso via nos portal di web. Den nos reakshon tin tambe un splikashon di nos desishon. Si bo no ta di akuerdo ku esaki, bo hasi opheshon. Lesa aki mas tokante kon bo por hasi opheshon.

Bo tin problema ku e sistema? Tuma kontakto e ora ei ku e hèlpdèsk di MijnCN. Si bo tin mester di ayudo pa mèldu ousensia online pa bo petishon di pèrdida di suèldu, bo por tuma kontakto ku unit SZW di RCN. E empleadonan di e sekshon di pèrdida di suèldu gustosamente ta atendé bo òf ta yuda bo ku bo petishon na un di nos ofisinanan na Boneiru, Saba òf Sint Eustatius.

Pa mas informashon tokante pèrdida di suèldu i bo derechi- i obligashonnan den kaso di ousensia di bo empleadonan, bo por wak riba e wèpsait di RCN. Si bo tin mas pregunta bo por tuma kontakto ku unit SZW di RCN.

E último desaroyonan di e portal di web ta tumando lugá aktualmente. Pa hasi e manera nobo pa traha mas fásil posibel pa usa, aktualmente ta tèst e ambiente digital di trabou na abundansia. Nos lo informá bo mas pronto posibel tokante e fecha di komienso.