FAQ Belastingdienst Caribisch Nederland

Si. Si huntu boso a haña un invitashon pa hasi deklarashon, bo mester yena e datonan tambe di bo partner, ora di yena e deklarashon online.

Si ainda bo no a entregá bo deklarashon digital, e ora ei bo por bai na e parti konserní i drecha e eror. Si bo a manda e deklarashon online kaba, e ora ei bo mester koregí e eror hasiendo uso di un deklarashon riba papel. Por hasi kambio di e deklarashon online akí solamente dor di entregá un formulario di deklarashon riba papel revisá.

Bo por hasi un  agregashon  òf korekshon  ònlain. Pa esaki sigui e pasonan  indiká akibou.

• Klek den e pantaya di inisio tras di e periodo korespondiente riba 'koregí / kompletá'.
• Marka e dos chèkbòksnan ku kua bo ta deklará ku bo ta yena e deklarashon kompletu i segun bèrdat. Despues klek 'aseptá'.
• Despues skohe 'agregá' òf 'korekshon' i klek riba 'aseptá'. Paga tino: den kaso di agregá, e  deklarashon anterior ta keda eksistí. Den kaso di korekshon, e  deklarashon anterior ta kaduká.
• Despues yena e áreanan ku ta aplikabel pa bo i klek riba 'aseptá'.
• E korekshon/agregashon bo ta  wak e bèk riba e pantaya di inisio.

Den algun kaso Belastingdienst Caribisch Nederland mester por verifiká e informashon yená. Pa e motibu ei ta pidi bo pa añadí e aneksonan.

No, tin partinan obligatorio kaminda kada bes bo mester añadí e aneksonan. Na final di e deklarashon online bo tin e posibilidat sí pa añadí aneksonan ku ainda falta.

Si bo no tin un scanner ta posibel pa saka un pòtrèt ku bo telefòn di loke bo kier añadí. E-mail e foto pa bo mes i ‘upload’ e fail den bo deklarashon online.

Bo kier añadí un anekso ku no ta pas ku un di e partinan di e deklarashon, e ora ei bo por añadí un dokumento ainda bou di ‘Bijlagen’. Pa hasi esaki bo ta primi riba “Overig document toevoegen”.

Bo por añadí failnan di pdf-, doc-, docx-, jpg-, jpeg-, png- en bmp komo anekso (maksimal 5mb pa dokumento i 70 dokumento pa kada deklarashon online). Esaki bo por hasi mesora bou di e rúbrika konserní. Belastingdienst Caribisch Nederland por pidi tòg pa manda e dokumento.

Bo a añadí un anekso robes? Bai bèk e ora ei na e parti di e deklarashon pa remplasá òf eliminá e fail. E promé anekso na un pregunta ta obligatorio. Esaki ta keda remplasá outomátikamente ora bo añadí e anekso korekto. Si bo a añadí un di dos òf mas anekso, bo ta mira e posibilidat pa eliminá e aneksonan akí. Esaki ta posibel via e menú na parti robes di e pantaya.

Bo no a risibí un invitashon di Belastingdienst Caribisch Nederland? I bo tin gana di hasi deklarashon online? Tuma e ora ei kontakto ku Belastingdienst Caribisch Nederland.

Bo no tin  mester di yena e deklarashon online den un solo bia. Si bo sera, bo por sigui despues kaminda bo a keda.

Online bo por hasi deklarashon na hulandes òf ingles.

'*' ta nifiká un parti obligatorio. Na e partinan akí bo ta obligá di yena informashon òf añadí un anekso.

Si no tin deklarashon visibel, esei ta nifiká e ora ei ku pa e aña akí (ainda) bo no por hasi deklarashon. Si bo tin motibu pa asumí ku esaki no ta korekto, tuma e ora ei kontakto ku e hèlpdèsk di MijnCN.

Bo por hasi un korekshon  ònlain. Pa esaki sigui e pasonan ku ta indiká akibou.

• Klek riba "korekshon” den e pantaya di inisio tras di e kuenta anual relevante. Paga tinu: Den kaso di korekshon, e kuenta finansiero anterior ta kaduká.
• Marka e dos chèkbòksnan ku kua bo ta deklará ku bo ta yena e kuentanan anual kompletu i segun bèrdat. Despues klek  riba 'aseptá'.
• Despues yena e áreanan di metadata i agregá bo kuenta anual koregí  komo  anekso i klek riba 'aseptá'.
• E korekshon bo ta  wak e bèk riba e pantaya di inisio.

Si no tin kuenta anual i/òf deklarashon visibel, esaki ta nifiká ku bo no por (ainda) presentá kuenta anual òf  deklarashon pa e aña aki. Si tin motibu pa kere ku esaki no ta korekto, tuma kontakto ku servisio di asistensia di MijnCN.  

Por entregá e deklarashon di impuesto di entrada solamente na momento ku por papia di un disponibilidat di sèn (dividènt).  Si esaki no ta e kaso den un kuartal referente, no mester entregá e deklarashon. Tene na kuenta ku esaki ta diferente pa e  deklarashonnan emití di impuesto general riba gastu i impuesto riba entrada i pa e obligashon relashoná ku impuesto riba entrada di kuenta anual.

Den e portal nobo en prinsipio no ta posibel pa entregá un verzamelloonstaat sero. Si bo no tin trahadó, bo mester laga kita bo nòmber pa loonheffing na Belastingdienst.

Pa entregá e verzamelloonstaat bo mester registrá por lo ménos 1 persona komo trahadó/terser persona. Si e ta aplikabel bo por yena ku e persona akí tabatin “0” entrada den 2022. Ademas bo mester yena 01-01 komo fecha di komienso di e relashon laboral.

Maske ku e entidat ta inaktivo, ta obligatorio  pa entregá un kuenta anual tur aña. E obligashon aki ta kaduká, entre otro, na momento ku likidá  e entidat.

• Bo trahadó no tin un number di sédula (ainda). Yena su fecha di nasementu, siguí pa e number 97, komo e number di sédula. Pues, si bo trahadó a nanse riba 13 di yanüari 1976, bo ta hasi uso di e number 1976011397. Bo tin mas trahadó ku mesun fecha di nasementu, djis subi e number na final pa e trahadó ku e mesun fecha di nasementu (pa 98).
• E trahadó ta kai bou di e kondishonnan di un trahadó anónimo òf terser partido? Yena esaki komo tal.

Si no ta posibel pa entregá e verzamelloonstaat pa un aña spesífiko, esaki ta nifiká ku pa e aña aki bo no por entregá un verzamelloonstaat(ainda)  . Si bo tin motibu pa kere ku esaki no ta korekto, tuma kontakto ku e helpdesk  di MijnCN.