FAQ Verifikashon un biaha

Gobièrnu mester verifiká bo identidat promé ku nan konektá bo datonan (históriko) na bo kuenta di MijnCN. Verifikashon di un solo bia ta obligatorio si ántes bo tabatin un kuenta pa entregá bo impuesto riba entrada i/òf bo ke hasi uso di e servisionan online di SZW. Ku e verifikashon di un solo bia, ta protehá bo datonan.

Despues ku a log in ta pidi bo pa verifiká un biaha bo kuenta. Primi riba e boton ‘verificatie aanvragen’ i despues riba ‘aanvragen’. Ku pòst ta manda un kódigo di verifikashon na bo adrès, manera konosí serka Belastingdienst Caribisch Nederland. Ku e karta bo por pasa buska e kódigo di verifikashon tambe na bali di Belastingdienst Caribisch Nederland, mustrando un dokumento di legitimashon bálido. Asina bo risibí e kódigo, bo ta bolbe log in den MijnCN. Parti abou den e blòki di teksto ‘Eenmalige verificatie van uw account’, bo ta primi riba ‘Verifieer’. Bo ta yena e kódigo i ta primi un bia mas riba ‘Verifieer’. Akseso na bo kuenta ta kompletamente verifiká awor. Lesa di asaki den e stappenplan.

Tuma kontakto ku hèlpdèsk di MijnCN.

Si bo a pidi e kódigo di verifikashon kaba, pero no a risibí niun karta, e ora ei bo por bolbe pidi esaki . Paga tinu ku ta manda e karta na bo adrès ku ta konosí serka Belastingdienst/Caribisch Nederland. Tene kuenta ku entrega di pòst por tarda un par di siman. Bo por pasa buska e karta ku e kódigo di verifikashon tambe na bali di Belastingdienst/Caribisch Nederland mustrando un dokumento di legitimashon bálido.

Bo kier hasi notifikashon di un kambio di adrès, e ora ei bo por mèldu e kambio personalmente na bali di Belastingdienst/Caribisch Nederland. Sòru pa bo tin bo dokumento di identifikashon (sédula) i number di CRIB huntu ku bo.