Tokante MijnCN

Via MijnCN bo ta regla online bo asuntunan di gobièrnu na Hulanda Karibense. Ku bo kuenta bo ta haña akseso na bo datonan, bo ta regla bo asuntunan òf ta apoderá un persona pa hasi esakinan pa bo. Bo datonan personal ta keda bon protehá.

Na e momentunan akí Asuntunan Sosial i Empleo i Belastingdienst Caribisch Nederland ta hasi uso di MijnCN. Riba términota amplia esaki ku mas servisio gubernamental.

MijnCN: fásil, seif i rápido

Siguridat

Na diferente manera ta protehá bo kuenta riba MijnCN. Nos ta konsehá bo pa banda di e protekshon standart ku nòmber di usuario (bo adrès di e-mail) i kódigo sekreto pa aktivá tambe, e asina yamá ‘2-Factor Authenticatie’. E ora ei bo no ta usa 1, pero 2 yabi pa habri e kandal di bo kuenta. Lesa aki mas tokante ‘2-Factor Authenticatie’.

Bo ke hasi uso di e servisionan di SZW? E ora ei uso di 2-Factor Authenticatie ta obligatorio. Tambe bo mester verifiká bo identidat ku un kódigo di un solo bia. Lesa mas aki tokante kon ta traha bo kuenta seif.

Kiko mas bo por hasi pa tene bo kuenta seif?
Algun tep:

  • Skohe un kódigo sekreto difísil ku minimal 8 karakter, 1 lèter kapital, 1 sifra i 1 karakter speshal (!@#$%^&*())
  • Skohe un kódigo sekreto úniko ku bo no no ta usa niun otro parti
  • NUNKA kompartí bo nòmber di usuario i kódigo sekreto ku otronan
  • No uso retnan di Wifi públiko
  • Tene bo kòmpiuter safe ku ‘update’ regular i skèner di vírùs

Si un persona malusá bo datonan òf bo tin duda tokante siguridat di bo kuenta? Tuma e ora ei kontakto ku e hèlpdèsk di MijnCN. Paga tinu: kolaboradónan di MijnCN nunka ta pidi bo pa bo datonan di log in.