Opbrengstbelasting

Informashon general deklarashon di impuesto online

• Pa entregá un deklarashon di impuesto, bo mester di un kuenta. Bo no tin un kuenta ainda? Lesa aki kon bo por krea un kuenta.
• Ora bo bai e siguiente página, lo warda bo informashon. Si bo mester stòp na kualke momento, riba e menú na parti robes bo por skohe pa e opshon 'opslaan'. Esaki ta permití bo habri bo deklarashon di impuesto despues i sigui kaminda bo a stòp último.
• Bo por klek riba e signonan di interogashon di koló hel pa asina haña un splikashon tokante e partinan ku bo ta yenando.

Deklarashon Opbrengstbelasting stap pa stap

• Ora bo a login den bo kuenta, bo por klek bou di 'Gekoppelde Diensten' riba 'Naar Opbrengstbelasting' den e blòki di 'Belastingdienst Caribisch Nederland'.
• Klek na e parti robes riba aangifte.
• Klek riba e aña korekto.
• Klek riba 'starten' ku ta keda patras di e periodo korekto.
• Chek e dos checkboxen kaminda bo ta deklará ku bo a kompletá e deklarashon di impuesto di manera adekuá i ku informashon di bèrdat. Despues, klek riba 'akkoord'.
• Kompletá a áreanan ku ta aplikabel pa bo.
• Verifiká bo deklarashon di impuesto i klek riba 'Ondertekenen en verzenden'.
• Un resúmen ta aparesé ku e montante ku mester paga, bo referensia di pago i informashon bankario di Belastingdienst Caribisch Nederland.
• Riba e pantaya di inisio bo por download òf wak bo deklarashon ku bo a entregá. Tambe bo por warda e deklarashon di impuesto na kualke momento i sigui prosesá esaki despues.

Suplemento òf korekshon online aangifte Opbrengstbelasting

• Klek den e pantaya di inisio patras di e periodo konserní riba 'corrigeren/aanvullen'.
• Chek e dos checkboxen kaminda bo ta deklará ku bo a kompletá e deklarashon di impuesto di manera adekuá i ku informashon di bèrdat. Despues, klek riba 'akkoord'.
• Despues skohe pa 'aanvulling' òf 'correctie' i klek riba 'akkoord'. Tuma nota: den kaso di un suplemento, lo mantené e deklarashon di impuesto anterior. Den kaso di un korekshon, e deklarashon di impuesto anterior lo kaduká.
• Despues, kompletá a áreanan ku ta aplikabel pa bo i klek riba 'akkoord'.
• Bo por haña e korekshon/suplemento bek riba e pantaya di inisio.

Kuenta anual Opbrengstbelasting stap pa stap

• Ora bo a login den bo kuenta, bo por klek bou di 'Gekoppelde Diensten' riba 'Naar Opbrengstbelasting' den e blòki di 'Belastingdienst Caribisch Nederland'.
• Klek riba 'starten' na e periodo korekto.
• Chek e dos checkboxen kaminda bo ta deklará ku bo a kompletá e deklarashon di impuesto di manera adekuá i ku informashon di bèrdat. Despues, klek riba 'akkoord'.
• Yena e 8 áreanan (metadata).
• Añadí bo kuentanan anual i e dokumentonan relashoná komo anekso.
• Verifiká bo informashon entregá i klek riba 'Ondertekenen en verzenden'.
• Riba e pantaya di inisio bo por download òf wak bo kuenta anual entregá. Tambe, bo por warda e kuenta anual na kualke momento i sigui prosesá esaki despues.

Korekshon online kuenta anual Opbrengstbelasting

• Klek den e pantaya di inisio patras di e periodo konserní riba 'corrigeren'. Tuma nota: Den kaso di un korekshon, e metadata i kuenta anual anterior ta kaduká.
• Chek e dos checkboxnan kaminda bo ta deklará ku bo a kompletá e kuenta anual di manera adekuá i ku informashon di bèrdat. Despues, klek riba 'akkoord'.
• Yena e 8 áreanan (metadata).
• Añadí bo kuentanan anual i e dokumentonan relashoná komo anekso.
• Verifiká bo informashon entregá i klek riba 'Ondertekenen en verzenden'. 
• Riba e pantaya di inisio bo por download òf wak bo metadata i kuenta anual entregá. Tambe, bo por warda e kuenta anual na kualke momento i sigui prosesá esaki despues.

Mas informashon

Bo tin pregunta tokante e sistema? E ora ei chek e pregunta- i kontestanan mas frekuente òf usa e funshon di búskeda ku ta keda na e parti drechi ariba. Bo tin pregunta mas kompleho tokante kon pa entregá un deklarashon di impuesto òf kuenta anual? Bai na www.belastingdienst-cn.com.