FAQ Krea i aktivá

Pa krea un kuenta privá òf pa negoshi bo tin mester di un number di CRIB. Bo no tin number di CRIB ainda? Pasa e ora ei promé na Belastingdienst Caribisch Nederland pa pidi esaki. Si komo dunadó di trabou bo traha un kuenta pa mèldu ousensia na trabou i pidi pèrdida di salario, bo mester usa bo number di CRIB i e adrès di meil di bo negoshi.

Bai na MijnCN i primi riba ‘account aanmaken’. Despues di a pasa den tur e pasonan, MijnCN ta kontrolá bo datonan. Den kasonan eksepshonal esaki por dura te ku tres dia, pero normalmente bo ta risibí un lenk di aktivashon mesora via e-mail. Bo ta aktivá bo kuenta dor di primi riba e boton blou ‘activeer account’ den e e-mail. Despues bo por log in ku bo adrès di e-mail i kódigo sekreto. E video aki ta splika bo paso pa paso kon bo ta krea i aktivá un kuenta. Of lesa di asaki den e stappenplan.

Bo tabatin un kuenta anteriormente pa entregá bo inkomstenbelasting online? E ora ei bo mester krea un kuenta nobo i pidi un kódigo di verifikashon. Ku e kódigo di verifikashon akí bo ta konfirmá bo identidat na Belastingdienst Caribisch Nederland, despues di kua nan ta konektá bo datonan na bo kuenta di MijnCN nobo. Tambe pa e uso di e servisionan online di SZW ta obligatorio pa verifiká bo kuenta. Wak e video akí pa mira kon bo ta pidi un kódigo di verifikashon. Of lesa di asaki den e stappenplan. 

Pa èkstra protekshon di bo èkstra nos ta konsehá bo pa aktivá e 2-Factor Authenticatie. Si bo usa e servisionan online di SZW, 2-Factor Authenticatie ta obligatorio. Wak e video akí pa mira kon bo a aktivá esaki. Of lesa di asaki den e stappenplan.

Despues di a pasa den tur e pasonan pa kreashon di bo kuenta, bo ta risibí un e-mail ku un lenk di aktivashon. Bo ta aktivá bo kuenta dor di primi riba e boton blou ‘activeer account’ den e email. Lesa di asaki den e stappenplan.

Si no ta logra aktivá bo kuenta, esaki por tin diferente motibu. Kontrolá pa siguridat si bo:

• Ta yena e nòmber di usuario i e kódigo sekreto korekto
• Bo kuenta ta aktivá kaba. Bo por kontrolá esei dor di log in, si esei logra bo kuenta ta aktivá kaba.

Si ainda no ta logra aktivá bo kuenta, ta mihó pa pidi un lenk di aktivashon di nobo. E ora ei ta manda bo kasi mesora un lenk di aktivashon nobo via e-mail. Lesa di asaki den e stappenplan.

Bo nòmber di usuario ta bo adrès di e-mail. Bo adrès di e-mail ta importante ora di krea bo kuenta di usuario i pa komunikashon entre abo i e servisionan. Durante di e prosedura di log in bo ta risibí mas instrukshon i informashon na bo adrès di e-mail. Banda di esei bo por bolbe instalá bo kódigo sekreto di nobo.

Bo adrès di e-mail ta bo nòmber di usuario. Si bo nòmber di usuario ta eksistí kaba, e ora ei abo mes òf un otro persona a pidi un kuenta riba e adrès di e-mail konserní. Abo mes no a hasi esaki i bo no tin niun idea ken a pidi esaki? Tuma e ora ei kontakto ku nos.

MijnCN ta kontrolá bo datonan. Esaki por dura te maksimal tres dia di trabou. Bo no a risibí niun e-mail ainda despues di e periodo ei? Kontrolá promé bo fail ku e-mail indeseá (spam folder). Si akaso e e-mail no ta ei den tampoko e ora ei bo por pidi un lenk di aktivashon nobo. Bai pa esaki riba e pantaya pa log in di MijnCN i primi riba 'Activeringslink niet ontvangen’. E no ta logra ainda despues di hasi esaki? Tuma kontakto e ora ei ku hèlpdèsk. Lesa di asaki den e stappenplan.

Si bo lenk di aktivashon a vense, bo por pidi un lenk nobo. Bai na e página di log in i primi riba ‘activeringslink verlopen’. Yena bo adrès di e-mail i primi riba ‘nieuwe activeringslink opvragen’. Lesa di asaki den e stappenplan.

No, no ta manda e lenk di aktivashon ku pòst.

E kódigo sekreto di un kuenta di MijnCN ta estriktamente personal. Pa e motibu ei no ta permití pa krea un kuenta pa otro hende. Si bo ta yuda un persona, pidi e persona ei e ora ei pa krea e kuenta konhuntamente i pa apoderá bo. For di e momentu ei bo por hasi deklarashon pa e persona ku bo ta yuda, den bo propio kuenta. Lesa mas aki tokante apoderashon.